(1921) L'artesanu

link

Llámenlu cuando cura, curanderu.
Cuando pon sanguixueles, sangrador.
Cuando ensalmos prepara, ensalmador.
Cuando riceta emplastos, pasteleru.

Suel ser un vieyu fofu y marrulleru,
Físicu y herbolariu y falador,
Qu'en Viernes Santu ñaz saludador
O zahorí o adevinu o embusteru.

Si non mata con purgues o yerbatos
Nos desgoncia con bizmes o ventoses.
¡Ai del probe que caiga nes sos manes!

Qu'esmolíu d'esfriegues y goliatos,
Nin puxu-y queda al güeyu pa les toses
Nin rastru del lluviesos y almorranes